標題:
我隻奶茶鼠比我隻布丁鼠咬到冇左層SKIN!點算!!!
發問:
此文章來自奇摩知識+如有不便請留言告知
我今日買左隻奶茶鼠~諗住陪下我隻布丁鼠(養左一個月)我把布丁鼠個CAGE 消毒過洗到乾乾淨淨~~兩隻鼠鼠隔住個CAGE見到大家都無事.....點知一放佢地係同一個CAGE到...布丁鼠就追住奶茶了!~~~布丁鼠不停係到咬奶茶!我分都分吾開佢地! 直至我見到奶茶有BLOOD...我先驚到吾理呀布丁鼠一手SAVE返奶茶~~~我好心痛!因為奶茶好乖! 我即刻睇下佢個傷~佢右面隻眼...成塊面都係BLOOD! 我好驚! 即至D BLOOD乾左~我先發現周圍D SKIN都冇哂..係毛都無! D 面部MUSCLE 都見到!... 顯示更多 我今日買左隻奶茶鼠~諗住陪下我隻布丁鼠(養左一個月) 我把布丁鼠個CAGE 消毒過洗到乾乾淨淨~~ 兩隻鼠鼠隔住個CAGE見到大家都無事..... 點知一放佢地係同一個CAGE到...布丁鼠就追住奶茶了!~~~ 布丁鼠不停係到咬奶茶!我分都分吾開佢地! 直至我見到奶茶有BLOOD...我先驚到吾理呀布丁鼠一手SAVE返奶茶~~~ 我好心痛!因為奶茶好乖! 我即刻睇下佢個傷~ 佢右面隻眼...成塊面都係BLOOD! 我好驚! 即至D BLOOD乾左~我先發現周圍D SKIN都冇哂..係毛都無! D 面部MUSCLE 都見到! 好彩我頭先冇用棉花棒用溫水洗毛! 我立即去買返個新CAGE比佢....佢好開心....周圍睇下佢新GE屋企係點.... 我想問而家可以點算呀...佢D毛會吾會生返架?? 我好怕佢打架個陣整BLIND左隻眼!!! 佢會吾自己好返? 佢而家見到我都好怕我! 以前都任TOUCH! 我點先可以搞返好個關係? 布丁鼠的天性好惡架咩????仲有...我隻布丁鼠大得好快...仲成日咬D 膠!!! 更新: 奶茶成日洗面...我怕佢個CLAW會再整傷塊面....
最佳解答:
A.如果真係皮都冇左,而非只係甩毛,就要盡快睇醫生處理,避免惡化及細菌感染,而且如果整傷左眼,自己亦處理唔到,鼠醫生資料及睇醫生要留意既事可參考: http://hk.knowledge.yahoo.com/question?qid=7009031901757 而家首要係醫返好受傷既地方,日後會唔會生返d毛就要睇健康既情況先知 鼠鼠唔舒服係一定會自己整,鼠鼠自己冇其他方法去幫自己,就只可以咁做,無法阻止既,所以再唔盡快去醫就更危險,太唔舒服既話,鼠鼠可能會抓得更犀利,令傷口更惡化,甚至流血不止 睇醫生同時可留意以下既事 1)有流緊血既話,用藥用棉花咁住傷口,萬一真係唔能夠睇醫生(咁既情況絕不建議唔睇),就需要用鼠專用既外傷藥同佢搽,小心唔好整到眼耳口鼻 2)永久同其他鼠分籠,如果受左傷仲勉強佢地一齊,會令情況更嚴重 3)冇受傷既鼠,都必須要仔細檢查一下真係有冇受傷 4)佢地兩隻都受驚啦,受驚好易會有其他毛病,同時要keep住檢查佢地既身體同排泄物有冇其他異常 5)保持個籠乾爽清潔,避免細菌感染 6)鼠鼠唔舒服會更易受驚,受驚會令病情惡化,除左檢查及治療外,都唔好打擾鼠鼠 7)如果鼠鼠有身凍既問題,就唔好俾風直接吹到鼠鼠,要鼠鼠保持溫暖;但冇咁既情況在熱既時候,就要多加留意散熱問題 B.鼠鼠打交係因為佢地本身就係獨居動物,根本唔適合同其他鼠一齊住既,更唔洗第隻鼠去陪,強行改變鼠鼠天性,會令鼠鼠感到壓力而打交,並唔係布丁鼠天生咁惡 我明白坊間同鼠店都話倉鼠係群居,但從生物學角度,鼠鼠真係獨居,只係多數鼠細個都唔打交,所以就易令人有錯覺,又有好多人話鼠打交只係玩,甚至話係增進感情,好彩就打唔傷,但留意一下過去既知識,就見到有不少鼠打傷打死 我細個時試過一籠放兩兄弟,個籠好大,有2間屋仔,2個瞭望台,好多野都有兩樣,都一樣打到頭都甩,就算係再大既籠,同性唔同性,係咪同一胎,其實都會打既;沖完涼再放埋一齊既方法我都試過好多次,一樣打得好勁,唔同品種既鼠就更易打得更傷同死亡 其實鼠鼠最好分籠,如果唔同性別繁殖鼠鼠會有好多問題,混種更有可能做成畸胎(不過其實奶茶即係布丁,叫法唔同),希望你可以考慮一籠一鼠,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下: 1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既 2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢 3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢 4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦 5)就算唔打傷打死,都會感到壓力,壓力會誘發甩毛肚瀉等疾病 6)一籠唔止一鼠,仲會較惡,特別易咬人同比較難同主人熟 7)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶 8)生b到戒奶分籠都唔可以掂鼠b,到掂得時,其實已經同鼠店買到既鼠差唔多大,咁又何必自行繁殖?期間仲要唔洗得籠臭一排,又可能會見到食b既情況 C.要等鼠鼠好返晒之後先可以同鼠鼠再建立關係,而冇受傷既鼠都一定要確定佢冇事先可以再同佢玩;冇事之後再俾鼠鼠靜兩日,再試呢個方法慢慢同鼠鼠建立關係(新鼠都係需要咁做),以下既步驟唔係幾日內就做到晒既事,唔好太心急,唔係反而對鼠鼠唔好,詳細可參考:(耐左都同鼠鼠唔熟,都可以試下做) http://hk.knowledge.yahoo.com/question?qid=7009082602466 一般鼠鼠買返唻時大約21日至一個月大,到鼠鼠60日完全成熟期時,就會有明顯長大,咁係好正常既;鼠鼠咬膠就要等確定佢冇唔舒服及再建立返感情之後可以教佢,鼠鼠咬膠要留意既事 及教鼠鼠唔好咬既方法,可參考: http://hk.knowledge.yahoo.com/question?qid=7009080501822
其他解答:
留言列表
