明天澳門一日遊---急需飲食推介!! 10 分－香港美食2017

標題:

明天澳門一日遊---急需飲食推介!! 10 分

發問:

我聽日澳門一日遊, 有乜野一定要食...包括餐廳同路邊檔.... 有去過既唔該幫幫忙.... (最好係個人推介)

最佳解答:

沙利文餐廳-----食葡國餐地址:南灣大馬路512號新口岸葡國餐廳-----食葡國餐地址:新口岸宋玉生廣場中裕大廈606H-606G 係大三巴個邊，睇完之後可以沿噴水池個度行落去，沿路上有好多澳門ｇｅ食，例如：雞蛋餅，紅豆餅，咖哩魚蛋等， "澳門安德魯餅店"-----食萄撻地址:路環撻沙街1號澳門旅遊塔360°旋轉餐廳下午茶自助餐肥仔康水蟹粥----食水蟹粥地址:海灣南街109號寶翠花園媽閣個邊ｇｅ葡國餐廳會比較特色，餐具以及攞設都好葡萄牙ｆｅｅｌ，達榮魚翅湯麵地址：澳門氹仔地堡街泉福新村地舖１號（近官也街）營業時間：朝十晚十店舖裝修好茶餐廳feel，但係比起香港的茶餐廳乾淨得多。店舖的招牌麵－－魚翅湯麵，售價$30澳門幣，size不大，老闆話佢係做魚翅批發生意，眼見d翅仔無人要又唔想浪費，所以靈機一觸整個魚翅湯麵賣俾客，所用的魚翅雖然只係翅仔，但每碗都有二兩重的翅仔，湯底有金華火腿同埋芽菜，我本人覺得好鮮味，但已經唔記得老闆同我講係用乜野材料煲，麵底完全無皂水味，雖然整碗麵size不大，但售價只需$30，我覺得好抵食，最緊要係好味。另外一款招牌食物－－魚翅球，售價$49一份，有十粒，每一粒直徑大約有１吋半，老闆話佢地係將四份鯪魚肉用加１份翅針打成，然後用油炸而成。反而呢個魚翅球俾到驚喜我，因為真係好香，好滑，最緊要係非常之好味，好耐都未試過咁好味的食物，同埋$49有十粒，又係抵食夾大件的一個選擇。

其他解答:

我仲會建議你去三盞燈附近既一家春上海菜..有風味..好好味..又唔係好貴..高力豆沙真係炸到成個波波咁形架.香港好多上海食店都做唔到..但超多人..記得book台先好去呀...好難等到位架..澳門電話:28556524 (我係一個移民左去澳門既香港人..hehe)|||||你可以去看一下網：澳門飲食 ~~~ http://www.dininginmacau.com/index.cn.phtml