標題:
2隻短毛熊仔鼠交配
發問:
我見過話兩隻長毛可以生出短毛 但兩隻短毛可唔可以生出長毛呢???? 同埋一隻白化一隻正常 生出黎有無機會係鴛鴦眼咖@@?? 更新: 我想問埋熊仔鼠有無機會係啞咖 因為我試過將兩隻放埋一齊睇佢地會唔會交配 點知隻男俾第2隻咬親都唔識叫.... 買返黎到衣家都無聽過佢叫一聲真係奇怪...
最佳解答:
此文章來自奇摩知識+如有不便請留言告知
A.兩隻短毛熊仔鼠有可能生出長毛熊仔鼠 鼠鼠既外表係受鼠鼠顯性及隱性基因所影響,明顯睇到既係顯性基因,而隱性基因就係睇唔到既,所以短毛熊仔鼠亦有機會有長毛既隱性基因 即係好似兩隻白色既鼠,如果其中一隻既隱性基因係黑色,咁都會生得出黑色既鼠 B.白化鼠同正常既鼠生出唻既鼠,除非有眼疾,如果唔係係唔會有鴛鴦眼既情況,但白化鼠繁殖出既鼠,較易有DNA異常既問題,絕對不適合用唻繁殖 咁問就應該係未了解"白化"既意思,白化係因為DNA出現問題,令鼠鼠身體缺少左黑色色素,所以眼睛就唔係黑色,只會見到眼既血色,而紅眼既倉鼠,全身既毛都會係白色,所以有白化問題既鼠,唔會有鴛鴦眼既可能,佢既後代亦一樣 紅眼既鼠同埋毛色特別既鼠,在生物學上唻講,都算係畸胎,紅眼鼠既眼睛係特別怕光同易患眼疾如;果佢DNA有其他問題,咁就有可能有短命or其他疾病既機會,有冇問題同有咩問題就要睇返佢既DNA先知 白化鼠繁殖出唻既鼠,較易有以下既問題: 1)DNA病毒 有機會會有一d DNA既病,屬於一D先天性既癌症,基本上可以話冇得醫既 2)遺傳病 基因出現問題,令隱性疾病既基因誘發出唻,有機會會令鼠鼠有糖尿病,濕尾症,腎病等嚴重疾病 3)肢體畸形 一出世已經有機會係缺少一d肢體,冇腳or冇牙等,由於有缺憾,所以好易會俾鼠媽媽覺得佢生存唔到而唔理,甚至食左佢.但就算過到鼠媽媽呢關,長大都會非常困難 4)殘廢 畸形既鼠,就算一出生身體上冇問題,但長大後,可能忽然會癱左咁 5)短命 6)智商較低 7)生活問題 一般都會生長較困難,亦會較惡 8)夭折 都有一出生就死既機會 C.鼠鼠有機會係啞,但聽唔到鼠鼠叫並唔代表即係啞 鼠鼠平日都會叫,但因為音頻唔同,所以平日既叫人係唔會聽到.而當鼠鼠叫到人都聽到既時候,多數因為驚同痛苦,但就唔代表驚同痛苦就一定會叫到人聽到 見到鼠鼠打交,我覺得最好係先處理打交既問題先,鼠鼠打交一定要盡快分籠,而鼠鼠係咪啞,影響實在唔大,但如果真係啞,再繁殖落去,就會令後代更弱,打交既處理方法可參考: http://hk.knowledge.yahoo.com/question?qid=7009070201377 D.另外,唔知你問既問題係好奇,定真係想咁樣去繁殖鼠鼠呢?有D事希望可以知左就算,唔好去測試會較好,鼠鼠壽命短,要鼠鼠健康長壽唔係易事,但如果有問題都繁殖落去,又或用鼠鼠去做測試,鼠鼠就會好慘了,做主人要照顧天生有問題既鼠亦唔係易事;始終而家係當鼠係寵物,而非實驗室既鼠,真係好希望唔好將有問題既鼠再繁殖落去 其實就算兩隻正常既鼠,繁殖其實亦有好多問題,希望你可以考慮唔好繁殖鼠鼠 及一籠一鼠,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下: 1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既 2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢 3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢 4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦 5)就算唔打傷打死,都會感到壓力,壓力會誘發甩毛肚瀉等疾病 6)一籠唔止一鼠,仲會較惡,特別易咬人同比較難同主人熟 7)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶 8)生b到戒奶分籠都唔可以掂鼠b,到掂得時,其實已經同鼠店買到既鼠差唔多大,咁又何必自行繁殖?期間仲要唔洗得籠臭一排,又可能會見到食b既情況
其他解答:
留言列表
