標題:
此文章來自奇摩知識+如有不便請留言告知
急!!關於會考場地搭咩車
發問:
天水圍天恆去以下學校要搭咩巴士/輕鐵 1.天主教崇德英文書院 2.新界鄉議局元朗區中學 3.東華三院馬振玉紀念中學 4.中華基督教青年會中學 以上都係元朗區的 要岩回程~吾該!! ps:本人係路痴黎~越詳細越好
最佳解答:
1. 天主教崇德英文書院 於天恆巴士總站搭港鐵巴士K75到「天盛苑」落車 (3站), 喺巴士站前方見到條天橋入天水圍西鐵站, 然後穿過天水圍站去到站頭既E3出口, 便有電梯落天水圍輕鐵站3號月台, 轉搭輕鐵751線 (往友愛方向) 到「洪水橋」落車 (2站). 到洪水橋站落車後, 向車頭方向穿過行人隧道過馬路, 再左轉出隧道出返地面, 前行到下一個路口 (洪堤路), 右轉入去就到啦. 回程就行返去行人隧道過馬路返輕鐵站, 搭輕鐵751線 (往天逸方向) 到「天水圍」, 上電梯入返西鐵站, 穿過西鐵站前往A出口, 會見到港鐵巴士K76既總站, 搭K76去到總站就返到天恆. 單程費用: 合共$2 (K76輕鐵有免費八達通轉乘優惠) 2. 新界鄉議局元朗區中學 於天恆巴士總站搭港鐵巴士K73到「元朗廣場」落車 (11站), 再到後面會見到燈位過馬路+橫跨豐年路輕鐵站, 之後繼續沿平樂徑 (警署側邊) 繼續直入, 出到去教育路後, 斜對面馬路見到間白藍色中學, 嗰度就係. 回程同樣沿平樂徑警署側邊出返去大馬路, 穿過輕鐵站過馬路後轉右就去返元朗廣場巴士站, 嗰度有K73搭返去天恆, 即總站落. (K73係天恆開出去元朗既循環線, 故此可於落車同一個站上車返天恆.) 單程費用: $2 3. 東華三院馬振玉紀念中學 (呢度麻煩少少啦~) 於天恆巴士總站搭港鐵巴士K75到「天盛苑」落車 (3站), 到巴士站旁天橋入天水圍西鐵站, 轉西鐵去元朗 (2站); - 可選擇到G2出口行天橋過馬路轉九巴54、64K、77K; - 或到G1出口樓下小巴站轉小巴36、37、38、75、76; (但巴士對於你來說會較好, 因為有報站, 不過小巴無) 到「東成里」落車 (小巴1站, 巴士2站), 然後到巴士站後方行人天橋過馬路, 去到shell油站嗰邊落橋後向車頭方向行, 過第一個路口 (友善街) 後就會見到間中學. 回程就到東成里巴士站 (唔駛行行人天橋過返馬路), 搭以上巴士、小巴路線到「新時代廣場」落車, 然後經巴士站旁行人天橋入新元朗中心, 穿過新元朗中心到元朗西鐵站, 轉西鐵去天水圍, 再前往A出口轉K76返天恆. 單程費用: $2.4 (K76+西鐵之轉乘優惠) + $4.3* (75、76) / $4.9* (36、37、38) / $5.8^ (巴士) = $6.7-$8.2 *以上小巴車費為雙向分段收費, 去程上車時要同司機落車地點, 否則需付全程收費, 不過回程直接拍卡便可. ^此巴士收費為54全程收費/64K、77K之分段收費; 去程時54可以照上車拍卡, 64K需用現金付款, 而77K需上、落車各拍一次卡. 回程返元朗站無論邊條線都可以直接使用八達通上車付款. 4. 中華基督教青年會中學 (最近同最容易去) 可到天恆輕鐵站搭輕鐵705線到天富, 或到天恆巴士總站搭港鐵巴士K76到天富苑欣富閣 (輕鐵/巴士都係2站), 再到天富輕鐵站頭便有路入天富苑, 經過欣富閣/普通話研習社科技創意小學後就會見到呢間中學. 回程就去返天富輕鐵站搭輕鐵706 (唔好搭返705), 或到輕鐵站對面搭K76, 返到天恆. 單程費用: $2 以上費用以港鐵/輕鐵/港鐵巴士學生半價優惠計.
其他解答:
留言列表
