標題:
新手養倉鼠~(杰入~)
發問:
請問杰大人幾條問題~: 1.請問小雲石,冬白,銀孤呢三隻鼠鼠溫純&好容易蜀絡(比人抱)嗎? 2.D鼠鼠第一次入個籠,點先可以比佢地適認個環境? 3.要買D乜野係個籠度? 4.用D乜同佢地沖涼&幾時沖一次涼? 5.鼠鼠生BB時應該點做? P.S:邊度有得買飛鼠?因為我係網上面睇到佢地好cute~所以想buy隻^O^ 更新: 係咪有一種叫檸檬木槺既木槺可以令到D倉鼠冇咁臭既? 更新 2: 點先可以分得出個D鼠鼠健康or唔健康?唔想買D病鼠回來- - 更新 3: 同埋...有冇呢三隻鼠鼠既相?如果冇,唔該簡單咁介紹下佢地個樣~ sorry...問左你咁多問題>
此文章來自奇摩知識+如有不便請留言告知
最佳解答:
問題多唔緊要,問多d先養好過買左先算好得多,但字數有限,唔想縮減唻答影響你日後既鼠,部份回答請參考其他我已答既知識,已附上連結,謝謝 1.小雲石係好惡,唔適合新手養;冬白鼠係包括好幾種倉鼠,小銀弧亦係冬白鼠之一,冬白鼠中我覺得小紫王最乖,而小銀弧則性格一般 容唔容易同人熟除左可睇品種外,點養係好大既關鍵,最基本一定要先尊重鼠鼠獨居既天性,一籠一鼠,亦要有耐性慢慢同鼠鼠熟,唔好買鼠返唻就馬上接觸鼠鼠,呢兩樣冇做就好難令鼠鼠安心俾你抱 2.想鼠鼠快D適應,就要唔好理佢太多住,俾佢周圍行下,最初係好易會好不安咁,但習慣係需要時間呢;同時加大量食物,多D木糠,咁都可以增加鼠鼠既安全感,盡量令環境安靜D 3.籠內既設施要有以下幾樣野: a)墊材(木糠之類) b)水樽 c)食物盆及食物 d)磨牙物品 e)轉輪 f)屋仔 鼠用品資料及價錢可參考: http://hk.knowledge.yahoo.com/question?qid=7009112801771 4.要用鼠專用沖涼粉,一定要冇味,有味既易令鼠鼠過敏,嚴重會致命;一星期沖一次,太熱時最多兩次 5.請問點解想繁殖鼠鼠呢?有冇了解過繁殖鼠鼠既過程同後果? 如果不斷繁殖,唔洗好耐可以繁殖出過百隻鼠,只係繁殖一次亦可能兩隻變十幾隻鼠,有冇諗過點處理?鼠鼠唔可以一家大細一齊住,鼠b之間亦易打交or因壓力而生病,有冇足夠既地方時間金錢同心機去解決呢d問題?實在有好多人不斷繁殖不斷遺棄,鼠鼠會好慘,人亦會好煩惱,一定要好好考慮先得 懷疑鼠鼠懷孕要留意既事及建議唔好繁殖鼠鼠原因可參考: http://hk.knowledge.yahoo.com/question?qid=7009101100901 6.我唔知邊度有飛鼠賣,飛鼠係唔俾入口,政府都唔建議賣飛鼠,市面就算有都好似唔會光明正大咁賣;就算搵到有得買,養任何寵物前都一定要諗清楚先,唔好只因外表就養,有美國既朋友養過,話飛鼠半夜會大叫同係咁跳好嘈,成日咬人抓,試過咬甩一部份人既肉,抓到周圍損晒,抓痕未退過,舊既未退新既又唻 7.唔好用有味既木糠,易令鼠鼠過敏,亦唔會令鼠鼠冇咁臭;改善鼠鼠既臭味及養鼠要留意既事可參考: http://hk.knowledge.yahoo.com/question?qid=7009091100180 8.揀鼠鼠要留意以下幾點: a)最好夜少少先去買,因為鼠鼠係夜晚活動日頭訓覺,所以太早去買鼠鼠會比較呆,咁就難分佢係咪有病 b)唔多點郁既鼠鼠可能有病,好多病都會令鼠鼠好疲倦 c)留意鼠鼠身形會唔會特別肥or特別瘦,兩樣都唔好既,可能太早戒奶,唔健康or過肥,甚至體內有瘤腫 d)留意鼠鼠既毛有冇甩左一部份,會唔會有腫瘤,摸落去會唔會好"鞋"咁 e)眼睛唔好有眼水,要乾淨,可以完全張開 f)鼻要乾淨清潔 g)呼吸正常,唔會喘晒氣咁 h)腮部冇問題,可以正常地放野食入腮同整到出唻 i)排泄位置乾淨清楚,唔會瀉瀉地 j)冇外傷,冇流血 9.小雲石同小銀弧以前我都養過,但當時未有數碼相機呢個科技,所以冇相片,好抱歉 小雲石:灰白色,班紋好似雲石咁,好惡,較少有得買 小銀弧:主要白色,背有d黑色,性格一般同小紫不差不多,但惡過小紫王一點 小紫王:紫紫地灰灰地,比小灰霸淡色一d,呢一類鼠中我覺得係最乖既 小灰霸:灰灰黑黑,背上有一條黑色線,性格較惡,因而叫小灰"霸" 小布丁:背部金黃色,好似熊仔鼠,但就係細品種既,性格一般,不算乖卻又不太惡 10.另外,養鼠前要考慮既事可參考: http://hk.knowledge.yahoo.com/question?qid=7009121001450 而買鼠最好凍完先,凍既時候買鼠,易有以下既問題: a)鼠店較凍既話,鼠鼠好易已經冷親,冷親又未有病徵時,就易買到病鼠 b)鼠店較熱既話,出到街再拎返屋企時,就會有強烈既溫差對比,鼠店->街->屋企,3個較大變化既階段 c)返到屋企之後,新鼠未咁快習慣環境,未必會用屋仔之類唻訓覺,有鼠棉都未必會用 d)天氣凍易冷親,如果係新手既話,未必處理or發現得到
其他解答:
留言列表
